O le fasiotia o se alii mai le faatuatuaga Hindu i se taimi e le’i mamao atu i vesiga na tula’i mai i Bangladesh, ua atili lē lelei ai le sootaga i le va o Dhaka i Bangladesh ma Delhi i Initia.
O loo ta’ua e le BBC o loo tuua’i e le tasi le isi i le lē lelei ai o sootaga ae ua fesiligia foi e le to’atele pe mafai ona toe faaleleia lea sootaga.
O le tagata ua maliu o se alii e 27 tausaga le matua, o se sui o le kulupu Hindu ma sa tuua’ia i le lē faaaloalo i le Atua ma i’u ina fasitele ai e ni tagata i le vaiaso talu ai ma maliu ai.
Fai mai ua tau fai valaau itu e lua i o la amepasa ina ia soalaupule lenei matāupu ona ua faifaitetele ma feta’ua’ina ai foi le taofia o nisi o auaunaga tau visa i nisi o aai e aofia ai Delhi, ma o loo talitali nei la pe iai se fofo o le matāupu pe o le a faateteleina.
Puna o Faamatalaga: https://www.bbc.com/news/articles/c4gekjjqn1ro
