Ua lipotia le toe tuu atu o se avanoa e le Iuni o tagata faigaluega a le Iunivesite o le Pasefika USP i le Pulega o le iunivesite e toe talanoa ai a o lei amataina loa a latou solo tetee.
Fai mai le RNZ ua faailoa e le failautusi o le iuni o tagata faigaluega le AUSPS, Rosalia Fatiaki ua malilie le aufaigaluega e toe foi i le pulega e tuu iai se isi avanoa e feiloai ai e faatatau i mea o loo mananao iai le iuni ma talosia ia soalaupule ai lea mataupu ma e tatau ona oo atu i le vaiaso fou ua maua se tali.
O le mataupu lenei e faatatau i totogi lea e manatu le aufaigaluega sa tatau ona iai se fetuunaiga i totogi i le 2019 ma le 2022.
Fai mai Fatiaki o ia siitaga e matuai lē taitai gafatia ai le maualuga o le tau o le soifuaga ua iai i Fiti.
