O loo faaauau pea ona pa’ū le lagolago mo le Labour, ae o le National ma ACT ua agai atu i le nanamu o le manumalo.
O le faaiuga lea o le palota faapolokiki a le 1News, lea foi ua toe pa’ū ai le lagolago mo le Labour i le 4 points ma saofai ai i le 29%.
O le National ua faaopoopo le isi 2, ma ua 37% ai nei ma le ACT na mauaina le 13%.
Ua sau foi i luma le la o le vaa o Winston Peters ma lana New Zealand First ma ua mauaina le 4%.
Mo le Palemia e fiafia iai tagata, ua pa’ū foi le lagolago mo Chris Hipkins e pei ona toesea ai le 3 points ma taunuu ai i le 21%.
E lē o iai se suiga mo Christopher Luxon o le National, ma o loo tumau ai pea i le 20% sa iai i le palota o Iulai.
Pe a faaliliu le faaiuga o le palota lenei ananafi i nofoa o le Palemene, o loo maua ai e le National ma le ACT le 65 nofoa e osia ai se faigamalo ma o le taunuuga lava lenei e tasi o lea ua sosoo palota faapolokiki a ofisa faasalalau faapea iuni ae o loo tulai mai ai pea.
