E faitau afe tagata Palesitina ua toe foi atu i nofoaga na aupito i faaleagaina i Gaza ma nofoaga sa nonofo ai ina ua lifi ese le sā sa iai i le itu i matu mo le uluai taimi.
O loo faagasolo pea tuutuuga o le maliega na sainia i le va o Isaraelu ma le Hamas ma ua faailoa foi e Isaraelu o le lisi mai le Hamas o loo faailoa ai e toa valu (8) mai le 33 o pagota o loo latou taofia, sa tuu e faasaoloto uma i le vaega muamua o le maliega ua maliliu, ma o se tulaga mafatia tele lea mo aiga o i latou ia.
Ua vaaia le toatele o tagata Palesitina ua savavali ma o latou aiga i nofoaga sa faamautu ai , faamatala e nisi o i latou ia i le au tusitala a le BBC e oo i le 6 kilomita ma sili atu na savavali ane ai faatoa taunuu i lo latou fale ae taunuu atu ua faaleagaina uma peitai na o latou ta’ua latou e ui i le umi, ae e lagona le fiafia ua toe foi i o latou laufanua.
Puna o Faamatalaga: https://www.9news.com.au/world/israel-gaza-update-tens-of-thousands-return-to-devastated-northern-gaza-as-israel-lifts-closure-under-truce/e8cb7172-9c70-4af6-8459-a3207456d0b4
