Ua faaalia e le afioga Anae Lupematasila Arthur Anae lona agaga faafetai i le Palemia o Samoa le susuga Laaulialemalietoa Leuatea Polataivao Fosi, i le avatu o lana lagolago atoatoa i le mau ua tauaao nei e le Palemene o Niu Sila, mo le tatala o le avanoa i tagata Samoa ma isi atunuu o le Pasefika, e malaga atu ai i Aotearoa ae faato’ā oomi i le tusifolau le 3 masina e nofo ai i Niu Sila mo le visa tafao poo le visa asiasi.
O le iai i Samoa o le afioga Anae e auai i sauniga o le Tuto’atasi ma tauaao ai le faaaloalo maualuga a le malo o Samoa o le pine taualoa, na feiloai ai ma lea tamalii .
<iframe title=”Anae Lupematasila Arthur Anae” allowtransparency=”true” height=”150″ width=”100%” style=”border: none; min-width: min(100%, 430px);height:150px;” scrolling=”no” data-name=”pb-iframe-player” src=”https://www.podbean.com/player-v2/?i=rfzyd-1adde47-pb&from=pb6admin&share=1&download=1&rtl=0&fonts=Arial&skin=f6f6f6&font-color=auto&logo_link=none&btn-skin=666666” loading=”lazy”></iframe>
Ua faailoa foi e le afioga Anae Lupematasila Arthur Anae, o loo tapena nei se isi talosaga e ave i le Palemene a Niu Sila ma e mana’omia ai le lagolago a le atunuu.
O lea talosaga o le finauina lea o aiaiga o le avanoa nofomau i Niu Sila le Quota scheme ina ia tatala i se tagata e faamanuiaina le talosaga, le 6 masina e malaga atu ai i Aotearoa e sa’ili se pepa faigaluega ona foi mai lea ma faamae’a tapenaga mo le nofomau.
Faaalia e lea tamalii o se avanoa lelei lea ona ua molimauina faiga taufaasese ma isi faafitauli ua feagai ma o tatou tagata e manuia i le nofomau i le quota ona o pepa faigaluega.
