Ua tele faitioga faasaga i le fofoga fetalai ia Trevor Mallard. O tusi e 151 ua faasa ai nisi o tagata ua mafai ona faamaonia sa i le tetee lea sa faia i maota o le palemene lea e aofia ai ma sui toalima sa avea ma sui o le fono i tausaga ua alu, ua o se mataupu ua fesiligia ai le agavaa o Mallard i le nofoa o loo ia nofoia i totonu o le maota
O lea na muai sau tala o le toalima o sui sa avea ma faipule e lavea ai Matt King ma lē sa avea ma Sui Palemia Vaovasamanaia Winston Peters o nisi ia ua faasa ma le palemene mo le lua tausaga, peitai e aoauli ananafi ua toe ave i tua pe faaleaogaina nei tusi
Mai ia Winston Peters, ua ia faatalosagaina ai le tatau ona faia se palota e iloa ai e le o toe tele se lagolago mo le fofoga fetalai ma o se luma lea mo Mallard
I tusitusiga a le Newstalkzb, o Mallard o le fofoga fetalai aupito sili lea ona leaga i tala faasolopito, ma o se tagata e le i lelei foi lana amio ao avea ma sui faipule
Ae e le’i sau tala o le toe faaui i tua o le faaiuga a le fofoga fetalai, o le taeao ananafi na folafola ai e Winston Peters le agai i le tulafono e iloilo ai le faasa o ia ma le palemene
