Ua faailoa e le minisita o mataupu faalotoifale a Niu Sila e 847 tagata Samoa ua maua sitiseni Niu Sila i le taimi nei i lalo o le tulafono fou lea na amata toe faamamaluina ia Novema o le tausaga talu ai.
O le tulafono e pei ona silafia e le to’atele ua faataga ai nisi tagata Samoa sa aveesea a latou sitiseni Niu Sila i lalo o le tulafono o le 1982, ma toe agavaa ai e talosaga ia toe maua.
Ua faailoa la e le minisita, Brook Van Velden i le RNZ o le maua o sitiseni Niu Sila mo i latou ia o le a maua ai foi ma tusifolau Niu Sila.
Sa saunoa le faipule o le Green sa faauluina le pili i le Palemene a Niu Sila mo le toe tuuina ane o ia sitiseni, Teanau Tuiono, sa faamatala atu e aiga ma e tupuga mai i tagata na aafia i le tulafono lea, aafiaga o ia tulaga i nai o latou mātua ma e tāua tele lea avanoa ua toe maua.
Puna o Faamatalaga: https://www.rnz.co.nz/international/pacific-news/543277/more-than-800-samoans-receive-nz-citizenship
