E $265,000 le tau o se mirror sculpture poo se fā’ata o se mea i se fā’ata i sona faamatalaina tau lata mai, ma o se sculpture sa iai i le ogatotonu o Aukilani peitai ua lē o toe vaaia ma ua lipotia i le Newstalk i le asō.
O lea galuega faatusiata e faaigoa o le Light Weight O, sa iai i O’Connell St talu mai le 2018 peitai na toe aveesea i le 2021 ina ua faatino galuega faaleleia i nisi o fale sa tautau ai.
O le sculpture sa tuufaatasia e le tusiata o Catherine Griffiths ma e lei fia faia sana faamatalaga e uiga i le mataupu ae na ia faailoa i le upega tafa’ilagi a le Council, o lea sculpture e faamalosia ai tagata e savavali i le auala lea o O’Connell Street ina ia silasila i le avanoa i luga ma lalo, lona uiga o le lagi ma le laueleele.
O le faamatalaga a se sui mai le Council ua ta’ ua ai o le taimi nei o loo silasila i nisi o avanoa o loo matala ane mo le toe tuuina o le sculpture i se isi ona nofoaga.
Puna o Faamatalaga: https://www.newstalkzb.co.nz/news/auckland/265-000-mirror-sculpture-disappears-from-auckland-cbd/
