Ua lē o toe mamao ae amata le faaaliga o nisi o measina a Samoa mai anamua ua faapea ona aumai mai nisi o fale mata’aga i fafo e pei o Siamani, mo le maimoaina e lo tatou atunuu.

O Atalilo e pei ona faaigoa ai lea faaaliga poo se exhibition o le a faia i le fale mata’aga mo suesuega a le Iunivesite Aoao o Samoa lea o le a tatala aloa’ia le fale mata’aga i le Aso Faraile o le vaiaso nei.

Ua faailoa e le iunivesite i se pepa o faasalalauga ua mafai ona tuufaatasia lea faaaliga atoa ai ma le fausia o le fale mata’aga mo suesuega ona o le fesoasoani mai o le malo o Siamani le atunuu o loo teu ai i nisi o o latou fale mata’aga measina a Samoa.

O nisi o ia measina ua mafai ona aumai mo lea faaaliga o Atalilo.