O su’esu’ega faagasolo a leoleo e pei ona sa’ilia ai ni sootaga i Samoa i le faalavelave o loo tuua’ia ai ni alii talavou o Samoa i le faalavelave i Vietnam, e 23 tausaga le matua o se alii talavou mai Asia o loo faasalalau e leoleo lona ata i le fia maua mo a latou su’esu’ega.
O le suafa o lea tagata o Mathew Nhan Thien Nguyen e lē o faailoaina e leoleo poo fea sona atunuu, ae o le talosaga a malu o le malo i o tatou tagata i Samoa ia logo atu soo se faamatalaga e fesoasoani ai i le fia maua o lea alii talavou.
O loo fautuaina foi le atunuu ia aua ne’i taumafai e feiloa’i i lea tagata ae ia logo sa’o se ofisa o leoleo o latalata ane.
E to’atasi le tagata ua taofia mo su’esu’ega a leoleo, o le alii e iai ona sootaga i le pisinisi o le Unalei Car Rental lea na taofia mai i le malae vaalele i Faleolo i le vaveao o le Aso Tofi ua mavae, a o sauni e tuua Samoa mo Niu Sila.
