E 16 tausaga o se tama talavou ua pu’eina e leoleo i le mae’a o lona faia o ni faamata’u i luga o upega tafa’ilagi faasaga i se faletapua’i i le itu i Saute i Sisifo o Sini.
O le Australian Islamic House Masjid Mosque i le faaitu o Edmondson Park lea ua feta’ua’ina na tuuina atu iai ni faamatalaga e faatatau i se post poo ni faamatalaga ua faia i luga o le Instagram ma o loo feta’ua’ina ai ma le faalavelave na tupu i le 2019 i le faalavelave tele i Kalaiesetete i fale tapua’i na maliliu ai tagata.
O loo faagasolo nei se su’esu’ega a leoleo ae ua pu’eina le talavou lea i le itu i Sisifo o Ausetalia.
Na faailoa se finagalo o le Premier o Niu Sa Uelese, Chris Minns o le faigamalo a le setete ma leoleo Niu Sa Uelese o loo silasila ma le toto’a i nei taufaamata’u ma o se tulaga lē lelei tele lea aemaise i tagata o le faatuatuaga Musalemi a o auai ai i le faia o talosaga mo le masina tāua lenei i le latou faatuatuaga le Ramadan.
Fai mai le Premier o faamata’u faailogalanu ma lagona ita i le faatuatuaga Isalama e matua’i lē taliaina ma o le a feagai ia tagata ma le malosiaga o le tulafono.
Puna o Faamatalaga: https://www.9news.com.au/national/police-investigating-online-shooting-threats-to-western-sydney-mosque/ee1cf755-674d-4bf7-86f4-3d898372a40b
