E 21 tausaga o le alii lea ua pu’e e leoleo i le mae’a o le faalogoina o se pa’ō tele o se mea na pa ane mai totonu o le taulaga faatau i Miranda.
Ua lipotia e le 9News o loo i le vaaiga a leoleo le alii lea i le mae’a o le faalavelavele i Sini i le aso ananafi.
Na faavave atu le aufaigaluega a le fesoasoani faavavave i le taulaga faatau lea i le aoauli ananafi ina ua lipotia o loo tau’ai e le alii lea ni fagu i totonu o le falelēta’ua se’i tulou i le fogafale tasi o le Westfield ma sa lipotia foi e nisi i luga o le social media.
E lei aveeseina mai tagata mai le taulaga faatau ae na maua e leoleo le fagu lea o loo faia ai a latou suesuega.
Na maua ai foi e leoleo ma se naifi ma isi aitema ma ave atu foi i le falemai e faia togafitiga i nai manu’aga na aafia ai.
O loo faagasolo i le asō le suesuega mo i latou uma na aofia i lea faalavelave.
Puna o Faamatalaga: https://www.9news.com.au/national/man-arrested-following-incident-at-miranda-shopping-centre/da75a930-d2e2-4621-bc51-612c0265df0d
