O le faai’uga o le masina lenei o Aokuso lea ua feta’ua’ina e amata faatino ai le maua e nisi e agavaa mai Ausetalia i Saute poo South Australia se peimeni ua faaigoa o le Cost of Living Concession poo le COLC e maua ai le $255.60.
Ua lipotia e le 7News e faitau afe tagata i South Australia o le a mauaina lea peimeni mai le faigamalo a le setete e amata i le masina nei.
E mo tagata penisiona, maualalo tupe maua ma i latou o loo maua le jobseeker, youth allowance ma le ABSTUDY.
E toatasi le tagata mai le aiga e mafai ona agavaa ai ma o le faamoemoe ia fesoasoani i aiga ia le tau o le soifuaga ma faatau o aso ta’itasi.
E tatau ona talosaga mo lea peimeni a o lei oo ia Tesema 31 ma e mafai foi ona talosaga i luga o upega tafailagi.
Puna o Faamatalaga: https://7news.com.au/news/eligible-south-australians-to-receive-255-cost-of-living-concession-payments-to-roll-out-from-late-august–c-15562851
