E to’afa I latou na faamanualia ananafi ao iai I se tasi o lala a le Countdown I Dunedin, mafua mai ina ua tatui (tulou) e se tama

Latalata I le afa o le lua I le aoauli lea na tulai mai ai lenei osofaiga, ma e faapea na faaaogaina e le na faia lenei le alofa agaese e lua

O le toalua o tagata na tatui o nisi o le aufaigaluega a le Countdown, ma o le toafa lea o loo manunua tigaina na auina atu ma taofia I le maota gasegase I Dunedin ona manuaga tuga

I molimau e tusa ma tala a le leitio a Niu Sila, e masalomia o le tama na ia faaoo manua I e ua aafia nei na ia tagofia fualaau faasaina

O le taeao nei o loo fuafua e tulai ai le ua taofia e leoleo I lenei mataupu I luma o le faamasinoga, ma e tuufaatasia tala fou e le I faia ni ona moliaga ona o lea sa I le falemai mo togafitiga

Ua faafetaia ai e le leoleo faapea le taitai o le atunuu, Jacinda Ardern I latou sa I totonu o le faleoloa na vave ane ma taofi gaioiga a le tama ua taofia ae e le I taunuu atu leoleo