O le alii o Nicky Flannery mai le atunuu o Aialani ua na faatūina se matati’a i le taimi e 3 itula ma le 14 minute ae oo i Manase le nofoaga na faatini iai le tuuga tamo’e o le malafoni na faia i Savaii i le Aso Toonai na te’a nei.
Na faaalia e Afoa Seti Afoa o le Samoa Events o le matati’a ua faatūina e lea alii tamao’e e 40 minute ua saoasaoa ai nai lo le taimi o loo faamauina i le tagata na mua i le malafoni mulimuli sa faia i Salafai.
O se tagata tamo’e foi mai fafo o se tamaitai mai le atunuu o Peletania na muamua taunuu i le tini o ia lea o Khalida Cox i le taimi 4 itula 51 minute.
I le malafoni e 10 kilomita le mamao na muamua taunuu i le tini le alii Rusia o Ivan Polyntcev i le taimi e 1 le itula 8 minute.
O Ivan ua faamauina foi o ia le isi tagata mai fafo ua mafai ona aau mai Mulifanua i Salelologa.
O nisi o fanau mai le kolisi o le Itu o Tane sa taufetuli ai foi i lea malafoni i le mamao e 10 kilomita faatasi ai ma lea alii mai Rusia.
