E leai nisi o le tatou ‘au o le Manu Samoa o aafia i ni manu’aga tugā mai le taaloga faitaulia a Italia i le Aso Faraile ua mavae e pei ona faailoa e le ta’ita’i malaga le susuga Su’a Hesed Ieremia.

Ae i le pitolaau a le faiaoga ulu le tofa Mase Mahonri Schwalger, ma lana pulega e lima suiga ua latou faia auā le taaloga faitaulia ma Sepania i le Aso Toonai o lenei vaiaso.

I se pepa o faamatalaga ua faailoa ai e le faiaoga ulu ma le pulega o loo malolosi le ‘au ma ua tapena i le taaloga ma Sepania.

O le ‘au ua filifilia e toalua tama o le taimi muamua lea ua taalo ai, o i laua ia o Murphy Taramai ma Owen Niue Fetu.

O le ‘au ua filifilia: 

1. Aki Seiuli (3) 

2. Sama Malolo (8) 

3. Marco Fepulea’i (1) 

4. Benjamin Petaia Nee-Nee (4) 

5. Samuel Slade (6) 

6. Theo McFarland – Captain (12) 

7. Murphy Taramai* 

8. Olajuwon Noa (4) 

9. Melani Matavao (16) 

10. Alai D’angelo Leuila (24) 

11. Nigel Ah Wong (12) 

12. Danny Toala (12) 

13. Stacey Ili (6) 

14. Owen Niue Fetu* 

15. Duncan Paia’aua (11)

Faaleoleo:

16. Andrew Tuala (2), 17. Tietie Tuimauga (4), 18. Lolani Faleiva (1), 19. Michael Curry (4), 20. Iakopo Mapu (2), 21. Ereatara Enari (8), 22. Afa Moleli (1), 23. Pisi Leilua.