O faigamalaga mai Niu Sila na amata taunuu I Niu Sau Uelese ma le Northern Territory ile aso faraile o le vaiaso talu ai o le vaega amata lea o se maliega na faia I le va o atunuu e lua e pei ona lausilafia peitai o lea faiga ua aliae ai ma nisi o liki I le system e pei ona lipotia I le aso I le stuff.co.nz. I le amataga mai o lenei vaiaso ua iai tagata Niu Sila ua agai sao I isi setete e pei o Vitoria ma Ausetalia I sisifo e lei aofia I le maliega na faia.
O le tuutuuga e mafai ai e tagata niusila ona ulufale atu i niu sau uelese ma le Northern Territory e aunoa ma le faanofoesea I le14 aso e pei ona sa faagasolo ai le faiga otagata femalagaai.
I Victoria ua silia ma le 60 tagata Niu Sila na malaga mai i I lalo o le maliega lea ua oo atu I Melepone ma ua faailoa ai se finagalo le fiafia o le Premier o Vitoria Daniel Andrews ona ua maea ona faailoa ane le latou tali I le maliega e le o fia auai mo le taimi nei ao lea ua agai atu lava tagata i totonu o le setete.
Ole tulai mai o lea tulaga ua fesiligia ai foi e nisi o loo I le matata o tagata tafafao pe faamata e ono faamata’u ai foi tulaga o maliega na faia I le va o atunuu e lua ona o nei faaletonu. E manatu se tasi alii faiaoga mai le Iunivesite faa tekonolosi I Sini o Dr David Beirman, e lei lelei le faalauiloaina o aiaiga o lenei maliega e le faigamalo a Ausetalia ma Niu Sila faapea foi le NZ Travel Industry o lenei ituaiga maliega I tagata lautele. O loo faatalia pea e le toatele I Ausetalia se taimi e tatala ai le malaga I Niu Sila lea e le o iai lava se faamatalaga lata mai I lea tulaga mo le taimi nei. Mo le silafia o loo taua I le aso I lipoti mai le Stuff.co.nz se saunoaga a le Premier Daniel Andews o tagata niusila o le a taunuu atu I Vitoria ole a le faanofo esea e ui e le o aafia ai Vitoria I le maliega na fai tau femalagaaiga
