E lē o manino i le finagalo o le Fofoga Fetalai o le Palemene ina ua toe tauaofia i le 8 o le po o le Aso Lua, pe o le ā le mafua’aga na lē auai atu ai sui faipule o le itu faaupufai o loo agaia le malo, ina ua tolopo e toe faaauau ana fonotaga i le 2 o le aoauli o le Aso Lua o le vaiaso nei.
E 20 minute o ta le logo o se faailo i sui faipule ua tatau ona alala i o latou nofoa i totonu o le Maota Fono, peitai e ulufale le Fofoga Fetalai mo le faaauauina o le galuega e lē maua le aofa’iga o faipule poo le quorom e faaauau ai taualumaga a le fono usu a Samoa.
Le finagalo o le afioga i le Fofoga Fetalai o le Palemene le susuga Papalii Li’o Oloipola Ta’eu Masipa’u i le lē auai atu o le to’atele o faipule i le fono na tolopo i le 2 o le aoauli o le Aso Lua.
E 37 lipoti o loo tau faamae’a ona talanoaina ma e oo mai i le fono po a le Palemene i le Aso Lua e 20 lipoti o loo totoe.
