Ua faaaogā mai e le au taufaavalea i luga o upega tafa’ilagi tagata e faapea o le a maua ni faailoga tetele ma ua to’atele ua faaseseina ai ma oo ina tetele aafiaga tau tupe ua alia’e ai faapea foi ma lamatiaga tau le puipuiga o le soifua.
Fai mai le RNZ ua maitauina e le CIFIU Cook Islands Financial Intelligence Unit ni mataupu faapea se lua i luga o upega tafa’ilagi ua aafia ai tagata o Le Atu Kuki.
O le isi mataupu e aofia ai se vaegatupe e 400 ma le isi e aofia ai se vaegatupe e 200 miliona.
Fai mai e faaaogā ai e tagata o loo faia ia solitulafono, fake pages poo itulau taufaasese i le facebook ma maua ai tupe ia feta’ua’ina e iai se sootaga ma se faalapotopotoga e tai pei o le International Monetary Fund poo le IMF ae o ni faiga taufaasese.
O loo faaauau iai su’esu’ega i nei mataupu uma e lua ae ua toe faamanatu mai le ausu’esu’e i tagata ina ia faaeteete i tagata e tuu iai le faatuatuaga i luga o auaunaga i upega tafa’ilagi.
Puna o Faamatalaga: https://www.rnz.co.nz/international/pacific-news/545148/online-scammers-impersonate-friends-fake-banks-in-cook-islands
