Ua lapata’ia tagata Ausetalia i le vaiaso nei ia nofo silafia, o le a iai faititili e vaaia i aso uma o lenei vaiaso ma uiga loulouā o le tau i vaega eseese.
O le vaaitau ua o latou faailoa i le 9News e talitonu e mafua mai faititili ona o se vaega o le ea vevela mai le sami o loo alu ane i le siosiomaga.
O vaega o Western Australia ma Niu Sa Uelese faapea Kuiniselani o loo fautuaina e aafia i storms i le asō aemaise i Sini, Brisbane ma Canberra.
O le a faasolo atu ia uiga loulouā o le tau i le itu i Sasae o le atunuu i le aga’i atu i le faai’uga o le vaiaso.
O loo tumau pea foi lapata’iga o le malosi o le vevela i le taimi nei se’ia oo i le Aso Tofi mo faaitu e pei o le Peninsula, Gulf Country, Northern Goldfields, Tropical Coast ma le Tablelands ma faasolo atu ai i le itu i Matu o le atunuu i le aso a taeao.
Puna o Faamatalaga: https://www.9news.com.au/national/australian-weather-news-thunderstorm-warning-as-wild-weather-batters-parts-of-the-country/037aea23-127f-4358-83eb-7fd3aecf8de
