Ua faailoa le ‘au a le alii faiaoga o Scott Robertson mo le sauni atu i le uluai taaloga o le Rugby Championship.
O le Aso Toonai nei e fetaui ai le All Blacks ma le Pumas a Argentina i le Sky Stadium i Ueligitone.
O le alii o Sam Darry ua toe maua le avanoa e taalo muamua ai i lona tulaga i le mae’a o lana uluai taaloga ina ua taaalo le All Blacks ma Fiti i le masina talu ai.
O Ethan Blackadder le isi o le a muamua i totonu i lona foi tulaga ma Wallace Sititi i le faaleoleo.
O TJ Perenara lea ua toe foi ane mai se manu’aga i lona tuli ma ua lipotia foi o lana taamilosaga mulimuli lea mo Niu Sila.
O le ‘au la ua filifilia e aofia ai: Ethan De Groot, Codie Taylor, Tyrel Lomax, Tupou Vaai, Sam Darry, Ethan Blackadder, Dalton Papalii, Ardie Savea (kapeteni), TJ Perenara, Damien McKenzie, Mark Tele’a, Jordie Barrett, Anton Lienert Brown, Sevu Reece, Beauden Barrett.
O faaleoleo o Asafo Aumua, Ofa Tuungafasi, Fletcher Newell, Josh Lord, Wallace Sititi, Cortez Ratima, Rieko Ioane ma Will Jordan.
O le taaloga lea e faia i Ueligitone, o le ta o le 7pm e amata ai.
Puna o Faamatalaga: https://www.rnz.co.nz/news/sport/524504/all-blacks-team-naming-new-loose-forward-midfield-combinations
