Fai mai o le a aoauli o le asō e aloaia ai le toe filifilia o le tamaitai o Dame Noeline Taurua e toe avea ma faiaoga o le Silver Ferns mo le faalua ai lea o taimi.
O se faamatalaga lea ua ta’ua i le RNZ e ui lei aloaia mai le faalauiloaina e le asosi netipolo ae ua ta’ua o nisi faamoemoeina ua maua ane ai lea faamaoniga.
Ta’ua i lipoti o taaloga o le masina o Fepuari i le tausaga nei na faailoa ai e le Netball NZ o le a toe faasalalau le avanoa pe a mae’a le konekarate a Taurua ma faailoa ai foi e le tamaitai faiaoga o le a toe talosaga iai.
O le taimi nei o loo tulaga lua le Ferns i le netipolo i le lalolagi ae sa faaletonu le latou tulaga i le Ipu o le Lalolagi talu ai i Aferikai Saute sa tulaga fā ai.
O isi tamaitai ua lipotia i le lipoti lea sa fili mai ai le faiaoga e aofia ai le faiaoga o le Tactix Marianne Delaney Hosheck ma le tamaitai sa togi lelei mo Ausetalia ma iloga foi i le taaloga, Vicki Wilson.
Puna o Faamatalaga: https://www.rnz.co.nz/news/sport/513450/noeline-taurua-set-to-keep-silver-ferns-job
