Ua faatoese i latou sa tuufaatasia le sauniga na tatala aloaia ai taaloga o le Olimipeka i Paris i soo se tasi ua afaina sona finagalo i se vaega o le sauniga e pei ona faaata ai le laulau o le tausamaaga (Last Supper), e pei ona faauiga ai e nisi.

Ua faailoa i tusitusiga ma lipoti eseese i upega tafailagi le upuia foi e nisi o lea vaega o le sauniga poo le opening e foliga ua faalumaina ai pe ulagia le au Kerisiano ma sa ioeina foi lea manatu e le ofisa o le va i fafo a Lusia ma lona sooupu Maria Zakaharova.

I le lipoti a le Alaata 9 ua faailoa ai e le faatonu sa feagai ma le vaega lea o le sauniga, Thomas Jolly, o le autu ia faamanatu tulaga eseese o tagata ma taumafataga aemaise o le tuuina o se feau e faatatau i le alofa ma le aofia faatasi o tagata ae lē o le fevaevaeai.

Puna o Faamatalaga: https://www.9news.com.au/world/paris-2024-last-supper-drag-queen-outrage-olympics-organisers-say-they-meant-no-disrespect/feddab4f-8ddc-4805-8bbe-c7b955dab8e6