Ua mafai nei e tagata e le’i faia ni tuipuipui o le Koviti-19 ona malaga mai i Ausetalia. Amata i le Aso Lulu o le vaiaso nei ona faataga lea tulaga ma o le a lē manaomia ai se toe faailoaina o faamaoniga ua faia ni tuipuipui pe afai ae malaga mai.
O lona uiga ua mafai lava e soo se tagata ona malaga mai i Ausetalia pe afai e iai se visa. Fai mai le minisita o le Home Affairs, Claire Oneill o le aveesea o nei sa o le a faaitiitia ai le faatuai mo tagata malaga i malaevaalele ae o le a faaosofia ai foi tagata e faimalaga mai i le atunuu.
