O loo faatalitali leoleo i Amsterdam pe o le a faape’ī foliga o le po ananei i le laumua i le mae’a o vesiga i le nofoaga lea i le po anapo.
Fai mai na mafua le vevesi ona o le ‘autapua’i a Isaraelu i le taaloga o le soka lea na taunuu atu i le vaiaso talu ai.
Sa mua’i tula’i mai se vevesi i le mae’a o le taaloga na faia i le Aso Tofi talu ai sa taaalo ai Isaraelu, le Maccabi Tel Aviv ma le Dutch side sa faaigoa o Ajax.
Talu mai le vevesi lea i le mae’a o le taaloga ua vaaia le faaopoopo o galuegafai a leoleo ma le to’atele o leoleo i le faaitu lea e mata’itū ne’i toe tula’i nisi vevesi.
Na iai vesiga i le po anapo i le laumua ma ua fautuaina nei la e leoleo tamaitai ma tamaiti ia nonofo i fale ma ‘alofia le feoa’i a o faatalitalia ai se tulaga o le a iai le po nanei.
O vevesi ua tuana’i ua faaleagaina ai se tram sa susunuina aemaise o vaega o fale ma nisi nofoaga ua faaleagaina e tagata.
Ua ta’ua foi na susunuina ai ma se pasi a leoleo ma nisi na tau’ai ane leoleo i maa.
Na afua le vevesi ina ua osofa’ia le ‘autapuai a Isaraelu ma faasolo ane ai lava ina faifai tetele.
O le i’uga o le taaloga na malo ai le Ajax i ‘ai e 5-0 ma ua fesiligia ai foi e nisi le tulaga o iai pulega o le taaloga soka ma le tula’i soo mai o ia ituaiga faalavelave ua tele soifua e aafia ai.
Puna o Faamatalaga: https://edition.cnn.com/2024/11/12/europe/amsterdam-riot-police-soccer-violence-intl/index.html
