Ua faatonu e le peresetene o Amerika Donald Trump le aveina atu o ana vaega’au e 1500 i le tuaoi i le itu i Saute o le atunuu e pei ona iai Mexico atoa ai ma le fesoasoani atu iai a vaalele, i se taumafaiga e aga’i ia i latou o loo aumau ai faasolitulafono.

Fai mai lipoti a le BBC o vaega’au a Amerika o le a lē aofia i le faamalosia o le tulafono ae e mo le fausia o se pa puipui i le tuaoi ma isi galuega e faatatau i lea nofoaga.

Ua taofia uma faigamalaga a le ausulufa’i aga’i i Amerika i le mae’a o se poloa’iga ua sainia e Trump i lona faato’ā tula’i mai.

I sana tusitusiga i luga o le social media ua ta’ua ai e Trump o ia e lelei le la sootaga ma le ta’ita’i o Lusia ae afai e leai se maliega e faia i se taimi vave e ono ia faia ni sā tau le tamaoaiga.

Ua tali iai le amepasa o Lusia i Malo Aufaatasi Dimitry Polyansky se’i vaai poo le ā le uiga o lea ituaiga maliega.

Puna o Faamatalaga: https://www.bbc.com/news/live/cn0y51z7wedt