O le taeao nei ua amata ai le tetee a sui o le aufaigaluega a St John e mafua lava i le lē faamalieina o ofo o totogi.
O se i’uga ua oo iai sui o le iuni a le First Union faapea le New Zealand Ambulance Association ma e ui i taimi o le tetee ae o lea lava e avanoa mai le tusa ma le 70% o ambulance e moomia e tagata tigaina.
O finauga nei i le va o St John ma le iuni na amata mai lava i le amataga o le tausaga ma i faamaoniga a St John o lea o loo galulue nei ma le matagaluega a le soifua mālōlōina faapea le taui o faalavelave faafuase’i mo se isi tupe faaopoopo e faatupe ai le auaunaga.
Ua sau ai foi ma le fautuaga mo gasegase e lē tigaina ae o loo moomia le fesoasoani i taimi o le tetee, e valaau le foma’i faaleaiga poo le Healthline.
O le tetee na amata i le taeao nei, o lea e lē galulue le aufaigaluega i totonu o le fā itula muamua o le sifi amata mai le ta o le 4 i le vaveao seia oo atu i le taimi lava lea i le vaveao a taeao, ma e faamoemoe e toe faia foi i le taeao o le Aso Toonai a loma nei seia oo i le taeao o le Aso Sa.
Puna o Faamatalaga: St John to operate at 70% capacity during ambulance strike – NZ Herald
