O se vaega tele o osofa’iga a Lusia ia Ukraine i le po anapo na aga’i sa’o lava i le laumua o Kyiv lea ua lipotia na fasiotia ai a to’aitiiti mai pe 17 tagata ma le to’atele o isi na faamanu’alia e pei ona faamaonia mai i lipoti a leoleo Ukraine.
O le faamatalaga a le Peresetene, Volodymyr Zelensky na faia i le CNN e faapea e silia ma le 1500 drones na faaaogā ane e Lusia i le po anapo ma o le osofa’iga aupito tele lea ua faia ane e Lusia i totonu o le 2 aso ma ua faamauina foi e 56 missiles poo ‘au’upega fana mamao na faaaogā ane i lea osofa’iga.
O le isi fale fogafale 9 e lē itiiti ifo i le 16 le ‘aumaliliu e aofia ai ma se teineitiiti e 12 tausaga le matua.
Ua faamauina foi e ono iai nisi o loo tanumia i fale na faaleagaina ma o loo iai foi tagata o loo tau sa’ilia pea.
Na osofa’ia foi e Lusia isi faaitu o Ukraine e pei o Poltava ma nuu lalata ane ma e tele mea ua faaleagaina ai.
Puna o Faamatalaga: https://edition.cnn.com/2026/05/14/europe/ukraine-kyiv-apartment-building-russian-attacks-intl
