Ua ave nei le lu’i a le faipule o Faleata 3 o le failautusi o le vaega faaupufai e puipuia aiā tatau o tagata le tofa Lealailepule Rimoni Aiafi, i le Palemia, susuga Laaulialemalietoa Leuatea Polataivao Fosi, ina ia faia se la tautoga i luga o le Tusi Paia e faamaonia ai e leai se isi o la’ua e aafia i le maliu o le alii talavou o Tuuau Faasavalu.
I le upega tafa’ilagi o auala o fesoota’iga a lea patī faaupufai na faailoa ai lea lu’i e le sui faipule i sana saunoaga faalaua’itele i le finagalo o Lealailepule ua tele aafiaga o ia ma lona aiga faapea ē sa ta’ita’ia le matāgaluega o leoleo ona o loo tuua’ia pea o ia, aemaise ua mae’a le faamasinoga na faamamā ai lona tagata i le leai lea o sona aafiaga.
Le faipule o Faleata 3 o le failautusi o le vaega faaupufai e puipuia aiā tatau a tagata le tofa Lealailepule Rimoni Aiafi.
