E faitau afe ma afe tagata Isaraelu ua savalia le aai tuai o Ierusalema lea na maua e Isaraelu i le 1967 i le taua na faia ma Alapi.
Fai mai le BBC o le aveina faamalosi e Isaraelu o le itu i Sasa’e o Ierusalema e lē amana’ia e le tele o ana paaga e aofia ai ma le UK.
O le savali la lea e faia i tausaga uma ma ua lipotia e masani ona faalogoina ai faamatalaga faailogalanu ma sauāga i tagata Palesitina o loo aumau ai i lea faaitu aemaise o pisinisi.
E tele tapenaga o le faamanatuina o lea foi taimi tāua i tagata Isaraelu e ui e eseese lava foi finagalo faaalia o nisi e tusa o lenei matāupu.
Puna o Faamatalaga: https://www.bbc.com/news/videos/cdxp0143q0po
