Ua faailoa le agaga faafetai o le Palemene o Ukraine i le Peresetene o Amerika ma viia ai ana taumafaiga e faamuta le ta’ua i le va o Ukraine ma Lusia.
Lipotia e le CNN se faamatalaga mai le Palemene o Ukraine ua ta’ua ai le faafetaia o Trump, le konekeresi a Amerika ma tagata uma o Amerika ona o le latou fesoasoani faaauau pea mo le tuto’atasi o Ukraine ma fesoasoani uma tau le puipuiga sa tuuina mo Ukraine lea ua fesoasoani tele i le tulaga ua iai nei lea atunuu.
O le faamatalaga ua alia’e mai ae faato’ā mae’a le fonotaga i le va o Trump ma Zelensky i le fale pa’epa’e lea na mae’a e lei iai se maliega na sainia e maua ai le avanoa o Amerika i minerale o loo ta’ua mai i Ukraine.
O le taeao analeila na ta’ua ai e Trump o le a tuuina mai se update o le mataupu e faatatau i le maliega lea tau minerale i Ukraine i le aso a taeao ae tatau ona lagona e Zelensky se agaga faafetai i le lagolago atu a Uosigitone.
Puna o Faamatalaga: https://edition.cnn.com/politics/live-news/trump-administration-news-03-03-25/index.html
