Ua toe faaauau le sailiga a leoleo mo le tagata lea o loo su’e i le uafu i Manukau ina ua sa’e se tama’i vaa e lata i Puketutu Island i le po anapo.
Ua lipotia e le One News se faamatalaga mai leoleo e faapea sa logoina i latou i le faalavelave lea a o lei tāina le 6 i le afiafi ananafi ina ua oso ese ma le vaa se tasi o tagata e to’alua na iai i luga o le vaa ma aau ane i le pa’umātū mo se fesoasoani ma logoina ai leoleo.
Ua ta’ua o le isi to’atasi lea o lo tau sailia ma sa fesoasoani ane foi ma le vaega a le coastguard ma le rescue mai le Auckland Airports ma volunteers faatasi ai ma le Westpac Rescue helicopter.
E lei manuia sailiga ananafi ma ua faailoa e leoleo o lea ua toe amataina le sailiga i le asō mo si alii lea o loo tau sailia.
Puna o Faamatalaga: https://www.1news.co.nz/2024/08/28/search-resumes-for-person-missing-in-aucklands-manukau-harbour/
