E to’atolu tagata ua pu’eina i le mae’a o se faalavelave ina ua fana se alii i Darwin i le po anapo.
Fai mai leoleo i Northern Territory na o latou tali ane i le faalavelave lea i le te’a la’itiiti o le 7 i le afiafi, na fana ai se alii e 23 tausaga i Coconut Grove.
Na aga’i atu paramedics i lea nofoaga ma ave ai lē na aafia i le falema’i lea o loo togafitia ai pea.
O le vaveao analeila poo le ta o le 4 na pu’e ai e leoleo se alii e 19 tausaga, o le isi alii e 22 tausaga ma se tamaitai e 22 tausaga foi ma na pu’eina mai i latou ia mai Katherine, e silia ma le 300 km i le itu i Saute i Sasae o Darwin.
O lipoti mai leoleo ua ta’ua ai o loo tigaina lē na aafia ma e le’i maua le a’upega na faaaogā i lea faalavelve, ma e masalosalo leoleo e foliga o se a’upega na fai i le fale.
E lē o iai se sootaga i ni faalavelave sa faatulaga lelei poo ni kegi poo se tulaga foi e aofia ai ni lanu ae fai mai leoleo e talitonuina e masani uma i latou o loo aofia i lea mataupu.
Puna o Faamatalaga: https://www.abc.net.au/news/2025-02-04/nt-darwin-shooting-litchfield-court-katherine-police/104893680
