O le vaiaso na mavae nei na falelauasi ai Ositaulaga e toalua o le Puleaga Faaakiepikopo a Samoa Apia.
O le Afioga Patele Faauli Lagaaia e maliu nei o avea ma Sui Epikopo o le Viakriatu o Pope Sagato Paulo VI Upolu Sisifo.
A o lei galue ai i lea tofiga sa uluai avea ma Sui Epikopo o le motu i Savaii, ma o se tasi ua atoa le 23 tausaga o avea ma Ositaulaga.
E maliu o galue ai le Paselika o Ana Paia i Leulumoega, a o lei avea ma ositaulaga sa avea ma malu o le Malo mo le 11 tausaga.
Sa galue foi o se faiaoga i le Kolisi o Sagato Iosefo i Alafua.
Na faamavae atu le Puleaga i le Aso Lulu o le vaiaso ua mavae ia te ia
O molimau o le soifuaga ofoina mo le Atua o le Afioga Patele Faauli Lagaaia na lagona ai lona uiga a o soifua mai o le alofa i ositaulaga laiti ma taumafaiga e fesoasoani ia i latou.
O le Afioga Patele Faauli e mai le afioaga o Palauli ma e maliu nei ua 64 tausaga o lona soifua.
O le Afioga Patele Lolesio Te’o e maliu nei ua 56 tausaga o lona soifua, ua 21 nei tausaga talu ona avea ma ositaulaga o le Puleaga ma sa sii gasegase atu o ia i Niu Sila ma maliu ai.
E fitu matagaluega sa galue ai o ia a o lei faamānavaina ana galuega e maliu patele o ia umiaina faailoga o le Bachelor of Divinity, Diploma of Theology, ma le Bachelor of Sacred Theology.
Sa galue o ia i le Matagaluega o Aoga faapea ai le matagaluega o le Soifua Maloloina i tausaga ua mavae.
O Patele Lolesio Te’o e mai le afioaga o Samatau.
O taulaga Paia o le Misasa sa faamavae atu ai le puleaga ma sa osia e le Afioga Epikopo Peter Brown o le Apostolic Administrator o loo tausia le puleaga i le taimi nei a o tau saili ai se taitai o le Ekalesia Katoliko i Samoa.
