Ua iai suiga i nisi o pepa faatumu a le matagaluega o le va i fafo, mai le faa-Maori i le gagana Peretania, ma ua toe upuia ai e nisi.
O lea suiga na faia e le pule sili o le matagaluega, Chris Seed e aunoa ma le faia o ni faatalanoaga pe faatali foi seia maua se minisita fou e ala i le faigamalo o loo faufau pea i le taimi nei.
E lē o fiafia iai sui o le Public Service Association; sui o le pati a Maori faapea le toatele o tagata Maori o loo unaia le faaaogā o le gagana Maori i totonu o Niu Sila aemaise lava i matagaluega a le malo.
Ua fai mai ai le pati a Maori ua tatau ona faamavae mai le pule sili.
Ae mai le Palemia filifilia o Niu Sila, Christopher Luxon, e lē o popole tele ia iai ma lana saunoaga, afai lava o loo malamalama le feau o loo taumafai le matagaluega e momoli mai, e leai se afaina ma e na te lagolagoina lava le tatau ona faamuamua le gagana Peretania.
O Winston Peters, o lea lava na manino lona finagalo a o faia faatosina o le palota, e tu mai toe sui uma igoa o matagaluega ua faa-Maori i le gagana Peretania.
Mai le matagaluega o le va i fafo, o loo tumau lava le tele o pepa ma faamatalaga mai le matagaluega i le gagana Maori, se’i vagana ai sina vaega itiiti lea ua faia iai teuteuga.
