O faamaumauga i tau o le penisini ua iloa ai sa pa’ū le tau i le masina o Me ma e foliga o loo tu lata foi se isi faamāmā avega mo le aufaitaavale e pei ona faailoa e le AA poo se asosi a le aufaitaavale i Niu Sila.
O le tau taugofie o le penisini 91 i le taimi nei o loo faamauina i Manawatu-Wanganui, Bay of Plenty, Hawkes Bay ma New World Marton o loo i le $2.41 sene i le lita.
O le tau o loo iai le kiso i le taimi nei e $1.99 i le lita lona uiga e 14.73 sene ua faaitiitia ai mai le tau talu ai.
Ta’ua e le sooupu a le AA, Terry Collins o ni mafuaaga mai le maketi faavaomalo ma totonu foi o le atunuu e afua ai fesuiaiga i le tau e faatau ai le penisini ae o se tasi o fesoasoani o le malosi foi o le tala a Niu Sila.
Puna o Faamatalaga: https://www.newshub.co.nz/home/money/2024/06/petrol-prices-fall-further-drops-likely.html
