E fā tausaga talu na uma ona fau le falema’i, ae o lea faato’ā tatala faitotoa o le Observation Unit o le Emergency Department.
O le Observation Unit o se tasi lea o vaega o le falema’i i Kalaiesetete e $500 miliona na tatala i le 2020, peitai e lei mafai ona tatala ona e lei iai se tupe e faatupe ai le aufaigaluega.
O le vaiaso faato’ā uma atu lea na tatalaina ai loa, ma e 16 tausi soifua faaopoopo, 6 foma’i ua ta’ua o junior doctors, toatolu foma’i sinia faapea ai ma i latou e galulue i le ofisa.
O se faamaoniga mai le matagaluega a le soifua maloloina e $4.2 miliona le tupe faaopoopo e moomia e tatala ai ma faatupe ai le aufaigaluega e moomia.
O se laasaga tāua tele e tusa ma faamaoniga mai le falema’i ona o lea o le a fesoasoani ai i le tuueseeseina o gasegase ua moomia vave ona vaai ma gasegase e tatau ona taofia aemaise ai o le taimi e faatalitali ai gasegase e vaai le foma’i.
O lea e lē o tatalaina lenei auaunaga i taimi o le po, ma o loo iai le faamoemoega ia mafai ona tatala 24 itula 7 aso o le vaiaso i vaiaso o i luma.
Puna o Faamatalaga: Christchurch Emergency Department’s Observation Unit opens four years after being built | RNZ News
