E le o faataga mai e le Atu Kuki le faigamalaga mai Niu Sila na fuafua mo le aso
O le lua ai lea o faigamalaga o le vaiaso nei ua faasa mai e le Atu Kuki ona o le popolega I komiuniti cases ua maua I Aukilani
O le aso ananafi na fono ai le kapeneta o le Atu Kuki ma faamaonia mai ai e le palemia ia Mark Brown, e le o mafanafana lana faigamalo ma le Atu Kuki e talia faigamalaga mai Niu Sila I le taimi nei ona e le o mautinoa lava poo fea lea na maua mai ai e uluai komiuniti cases le vairusi, ma e ono iai le avanoa e toe aliae ane ai nisi komiuniti cases faaopoopo
O le uluai faigamalaga na le taunuu I le Aso Lulu e tusa ma le faaiuga na sau mai I le Atu Kuki, ma o lea na tolopo mai seia oo a taeao, peitai e le o mautinoa lelei le ono taunuu ona o lea faatoa toe fono Brown ma lana kapeneta a taeao mo se isi faaiuga e tusa ma le toe talia o faigamalaga a pasese mai Niu Sila Ae mai le sooupu a le kamupani vaalele a le Ea Niu Sila, o le faigamalaga I le aso o le a faataunuuina pea ae o le a leai se pasese ae na o le cargo
