O loo finau ane iunivesite ma lapatai mai i ni tulaga lē lelei o le a oo iai pe afai e lē faafouina e le faigamalo o iai nei se faaputugatupe poo se funding sa faatino e le faigamalo talu ai mo auaunaga a Iunivesite.
Na ta’ua i le RNZ o loo iai nei iunivesite i se tausaga faigata, o nisi o loo taumate o le a telē le tupe e lusi ma ua faailoa e le Ofisa Sili o le Universities NZ, Chris Whelan i le lipoti lea e faaauau pea ona oo i se tulaga lē lelei le auaunaga pe afai e lē faamaonia ane i le tala faatatau o le tupe i le tausaga fou se isi 4 pasene faaopoopo o subsidies mo lesitala i le vaega e sailia ai tikeri ma luga atu, e lē gata mo le tausaga nei ae o le tausaga fou foi 2025.
Fai mai le Ofisa Sili o le popolega ina ne’i oo atu ia Tesema o le tausaga fou ua leai se funding ma o le popolega lea o le tele o iunivesite.
Puna o Faamatalaga: https://www.rnz.co.nz/news/national/522531/catastrophic-universities-plead-for-more-government-subsidies
