Ua lipotia i le RNZ fuafuaga a se tasi o matai Samoa ma o se sui foi o le Palemene a le atunuu, Lenata’i Victor Tamapua e ofoina le suafa matai o Tui Taumeasina i le Tupu o Peretania a o iai i Samoa mo le fonotaga a ta’ita’i o atunuu o le taupulega.
Fai mai o le a faamaimoa le Tupu o Salesa ma lana Masiofo i aafiaga o suiga o le tau i togatogo i nofoaga faasao.
O le Tupu o Salesa ua autausagā foi ona ia finauina mataupu tau i le si’osi’omaga ma le puipuiga ma i le 2020 sa ia saunoa ai o suiga i le tau ma le velasia o le ‘afu’afu o le lalolagi o faamata’u aupito tetele ia ua feagai ma le tagata soifua.
O loo faagasolo pea polokalame o le CHOGM ae ua fuafua e toe tuua e le Tupu ma le Masiofo Samoa i le taeao o le Aso Toonai.
O le afio’aga o Leauvaa na faatino foi le latou sauniga i le aso ananafi e faafeiloa’i ai le taunuu atu o le Palemia o Fiti ma tuuina iai le suafa matai, o Tagaloa.
Puna o Faamatalaga: https://www.rnz.co.nz/news/world/531660/king-charles-to-be-offered-high-chief-title-in-samoa
