I se lipoti mai Melepone ua ta’ua mai ai e toalua ni teine talavou ua pueina e leoleo ina ua osofaia ma tatui sei tulou se tamaitai 40 tausaga ma osofaia foi isi teine talavou e toalua i le itu i Saute i Sasae o Melepone.

O tala mai leoleo ua ta’ua ai sa iai se vevesi i le va o teine talavou nei ma se isi foi kulupu o talavou i Bentleigh e lata i le train station i le tea laititi o le 8 i le anapo.

Na aveina atu uma le 40 tausaga lea ma isi teine talavou e toalua i le falemai mo togafitiga ma ua toe faasolo manuia.

O se teine talavou 14 tausaga ma le isi e 15 tausaga lea ua pue e leoleo i le faalavelave lenei ma o loo faatalanoa e leoleo i le suesuega pe mafua i se ā.