Na le taumate na matuai tuai le toatele o le au fai taavale ma tagata faigaluega I le taeao analeila ona o le tele o le mau faalavelave ma taavale na faaletonu I le auala na matuai poloka ai.
O leisi faalavelave tele I taavale na lavevea ma poloka ai alatele I Aukilani ile north western motorway. Na iai foi le faalavelave I le Harbour Bridge I Aukilani. Lipotia le uumi o taimi na faatali ai tagata I le que o taavale mae oo atu I le itula pe sili atu foi le sau mai Albany I Manukau. I leisi itu o le auala pe a ma le afa itula na poloka ai le toatele ile southern motorway mai Ellerslie Panmure Highway lea foi na tupu ai lesi faalavelave.Fautuaina ai avetaavale ia faaaoga le SH20 ile agai ane lea ia Waterview Tunnel.
Ua toe tatala le state highway 16 na tupu ai foi se faalavelave I le vaveao lea ua faamaonia mai e leoleo na maliu ai le tagata e toatasi na savali ane ile auala ma lavea ai I se taavale. O loo faatino nei suesuega.
