Ua folafola e le faigamalo a le Setete le faia o se su’esu’ega tuto’atasi i le mafua’aga o le sologāeleele i le itu i Saute o Melepone, ma e fai si to’atele o tagata sa aumau ai i lea faaitu e le’i toe mafai lava ona toe foi ai i lea nofoaga i Morning Peninsula talu mai lea faalavelave.
E 2 miliona le tau o se fale e 4 potumoe na sesee ese mai le tulaga na tu ai ma i’u ina aafia atu ai ma le isi fale i autafa i le taimi na tupu ai le sologāeleele.e
E lua foi isi sologāeleele i le faaitu lava lea ua lē o mafai lava foi ona toe foi iai nai aiga ia talu mai lea sologāeleele mo le pe ā ma le 2 tausaga.
O le isi fale faato’ā lisiina e faatau ua aveesea mai le maketi.
O i latou na aafia na o latou faailoa i le ABC e le’i maua se tali i le mafua’aga o le sologāeleele e aofia ai ma aafiaga i le suavai.
O loo iai pea faafesili i le mataupu lea atoa ai ma mataupu tau inisiua mai isi foi e nonofo lata ane i lea faaitu.
O le Premier o Jacinta Allan na ia folafola i le taeao analeila o le a faia se komisi su’esu’e e faamautū ai ma faamanino le mafua’aga o le sologa eseese ma ni auala sa tatau ona mafai ona faatino e taofia ai.
Fai mai Allan ua faia lea gaioiga ina ua faalologo ma le toto’a i le komiuniti i le faaitu lea o loo manana’o i ni tali i nei mau mataupu.
Puna o Faamatalaga: https://www.abc.net.au/news/2025-02-04/mornington-peninsula-mcrae-landslide-state-government-inquiry/104893822
