Ua maua le avanoa o le Marshall Islands e saofa’i ai i le Pulega o aiātatau a Malo Aufaatasi, United Nations Human Rights Council e amata atu i le tausaga fou ae ave foi le faamuamua i suiga o le tau ma tulaga tau niukilia.
O le taimi nei e lē o iai ni atunuu o le Pasefika o aofia i le totino lea o Malo Aufaatasi e 47 ona sui, peitai o loo lagolago malosi le Marshall Islands e le Pacific Island Forum ma isi sui e to’a 18 mai le Pasefika.
O le matafaioi a le Council lea o le faalauiloa ma puipuia aiātatau ma vaai lelei faiga o loo faatulaga a Malo Aufaatasi e lē gata i le su’esu’eina o mataupu ae o le fautuaina foi o le ofisa o le Hai Komesina mo Aiātatau.
O le atumotu lea o le Pasefika le Marshall Islands e ma’ale’ale le tulaga o iai i le siitia o le suāvai sami aemaise afā ma mugalā ma isi suiga o uiga o le tau.
O atunuu e faatutū atu i le Council e tatau ona faailoa faamaoniga o lo latou naunauta’i i tu ma masani a Malo Aufaatasi.
Puna o Faamatalaga: https://www.rnz.co.nz/international/pacific-news/530463/marshall-islands-wins-un-human-rights-council-seat-with-climate-nuclear-justice-agenda
