Ua faailoa i le faatalanoaga i luga o le Alaata 7 a Ausetalia le mafatia o si tina o le alii o Krishank Karthik 16 tausaga mai Werribee lea o loo tau sailia pea lava.
O ata mai le CCTV o loo iloa atu ai le taimi na agai ese ai le alii talavou mai lo latou fale mai Truganina i le Aso Gafua o le vaiaso nei i le taeao.
E aoga i le Suzanne Cory High School ae lei oo i le aoga i lea aso, na amata tavili ai e si ona tina ana uo ma o latou aiga ina ua lē toe foi atu i le fale i lea aso ma agai ai loa i leoleo e lipoti iai.
O loo iloa i ata a le CCTV na agai ese mai lo latou fale ma se tama’i atopa’u ma lavalava, na ia faatau lana telefoni i se faleoloa i le taulaga i Melepone ma mulimuli vaaia i Melbourne Central i le aoauli o le Aso Lua.
Ua maua foi faamatalaga ua lua lelei vaiaso e lei iai i le aoga.
Puna o Faamatalaga: https://7news.com.au/news/cctv-emerges-of-missing-melbourne-student-krishank-karthik-from-werribee-leaving-his-home-as-mum-speaks-c-15629411
