Ua togafitia e Korea i Matu le faitau selau o fitafita Lusia ua manunu’a ane mai Ukraine, o le faamatalaga lea ua faia e le amepasa o Moscow i Pyongyang.
O fitafita a Lusia ua manunu’a mai le taua ma Ukraine o loo togafitia i nofoaga faafoma’i i Korea i Matu.
O faamatalaga lata mai ia ua ta’ua ua atili faamaonia ai le vavalalata o le sootaga i le va o atunuu e lua.
Ua silia ma le 12 afe fitafita a Korea i Matu ua ave atu i Lusia ae pe ā ma le 4 afe fitafita a Korea i Matu ua fasiotia i lea taua i le faaitu o Kursk talu mai Novema o le tausaga na te’a nei.
Ua lipotia foi le taunuu atu o le faitau afe o containers o a’upega ma meatau mai Korea i Matu mo Moscow.
O loo ave ane e Moscow le coal, o taumafa ma fuālaau ma vailaau ia Korea i Matu.
Puna o Faamatalaga: https://edition.cnn.com/2025/02/11/asia/russia-wounded-soldiers-north-korea-treatment-intl-hnk/index.html
