Ua le faamaonia le solitulafono a lē sa avea ma faipule Jami Lee Ross i le mataupu e faatatau i foai sa faia mo le vaega faaupufai a le National.
O Ross ma isi sui e toaono na amata le latou faamasinoga i le mataupu lea i le masina o Iulai i moliaga na faia e le Serious Fraud Office.
Ua lipotia mai la e le One News i le asō ua faamaonia moliaga a nisi o i latou ia i le faamasinoga maualuga i Aukilani i le taeao nei ae le faamaonia se solitulafono a le alii o Ross.
O le mataupu lenei e aofia ai ni foai tetele na faia i le vaega faaupufai a le National faapea foi ma le Leipa lea e feta’ua’ina e 2 foai tai 100 afe na faia i le National ma le foai e tasi e 35 afe na faia i le Leipa.
