Ua ioe Niu Sila e faatau mai le sapalai tele o fualaau e taofia ai le tigaina ona o le Koviti
60,000 le oka lea ua ioe iai le malo ma o loo talia nei le faamaoniga mai le Medsafe
O lenei fualaau e aoga mo I latou ua maua ae feololo auga o le fulu, ma o le a fesoasoani e taofia le ono oo atu I se tulaga tigaina
E oo mai I le taimi na sau ai le faasalalauga ananafi e le I maua se igoa aloaia o lea fualaau, ma I saunoaga a le minisita o le soifua maloloina, Andrew Little e aoga le faia o tui puipui toe mulimuli mai ai ma le fualaau e togafitia ai I latou e mamai ona o le vairusi
E lua ituaiga vailaau ua maea faatalanoa e le vaega o loo faatauina mai vailaau ma fualaau mo Niu Sila le Pharmac ma o loo faatali uma I le tali a le Medsafe
O le masina o Aperila o le tausaga fou o loo fuafua e taunuu mai ai le fualaau o loo gaosia mai foi e le Pfizer
