Ua folafola e le Premier o Kuiniselani, Steven Miles afai ae toe tulai mai i le palota ia Oketopa o le a faatūina loa e le Leipa ni auaunaga o pamu penisini e umia lautele.
Fai mai Miles e 12 pamu penisini o loo vaavaai iai e faatupe e le setete ma o le a fua lava nofoaga e faatutū ai ia pamu penisini i le manaoga o tagata.
Fai mai le Premier o pamu penisini faapea e umia lautele e talafeagai le tau e faatau ai le suauu ma e mautinoa o le a tele le avanoa e filifili ai tagata Kuiniselani mo le utuina o taavale.
Ua faailoa foi i lea lipoti le folafolaga a le Premier o le a faasā e le Leipa ona siitia faalua e se pamu penisini le tau o le penisini i le aso e tasi ma faatapulaa foi le maualuga o siitaga.
Puna o Faamatalaga: https://www.abc.net.au/news/2024-08-06/queensland-labor-state-owned-petrol-stations-state-election/104186768
