O se tasi alo o Samoa sa avea ma faiaoga ulu o le kalapu lakapi a le Highlanders ma Leicester Tigers, Aaron Mauger, lea ua filifilia nei e avea ma uluai faiaoga o le au a le Pasefika le Moana Pasifika mo le taamilosaga o le super rugby ile tausaga fou 2022.
O Mauger e iai lona pito Samoa, Tahiti ma le atu Kuki ma e tolu tausaga lana konekarate ua sainia nei ma le Moana Pasifika, o ia o se tasi o loo auai pea I le atinaeina o lea franchise fou ma sa avea ma faiaoga lagolago ile uluai taaloga a le au na fetaui ai ma le Maori All Blacks ia Novema o le tausaga talu ai.
Umi foi se taimi na taalo ai Mauger ile Crusaders pei ona lausilafia ma siamupini ai foi le kalapu I tausaga o le 2000, 2002, 2005 ma le 2006 ao lei agai Mauger e taalo I atunuu i fafo.
Sa avea o ia ma faiaoga lagolago mo Samoa ile 2017 ma avea ai ma faiaoga ulu o le Highlanders ile 2018-2020.Fai mai a ia na te faataua le avanoa ua maua e avea ai o ia ma se faiaoga o le lakapi aemaise o le faataua foi o ia o se tagata mai le pasefika.
